馬 可 福 音

1 2 3 4 5 6 7 8 9 10 11 12 13 14 15 16

12:1 耶穌就用譬喻對講:「有一人栽葡萄園,用籬笆圍伊,開一孔來做酒窟,起一座守更樓,租互佃戶,就去別所在。
12:2 到期,差一個奴僕就近佃戶,欲對佃戶收園內的果子。
12:3 佃戶掠來拍伊,互伊空空倒去。
12:4 閣差別個奴僕就近。佃戶傷伊的頭殼,閣凌辱伊。
12:5 閣差別個奴僕,就刣死伊。閣差多多奴僕,有的互拍,也有的互刣死。
12:6 伊猶有一個是伊所疼的子,路尾也差伊就近,拍算講:『欲尊敬我的子。』
12:7 若是諸個佃戶相及講:『此個是伊的後嗣。咱來給伊刣死,業就歸咱!』
12:8 就掠來,給伊害死,將伊佇葡萄園外。
12:9 按呢,園主欲怎樣做啊?伊欲來滅諸個佃戶,將伊的園交代別人。
12:10 聖經所記載講:師傅所棄拺的石,成做厝角頭的石。
12:11 這是主所成的,咱的目睭看做奇怪。恁豈未讀嗎?」
12:12 許個人知此個譬喻是指來講,就愛欲掠伊,總是驚眾人,就離開伊去。
12:13 後來,差法利賽及希律黨幾若人就近伊,愛就伊所講的話來當(tng)伊。
12:14 已經到,給伊講:「先生啊,阮知你是真實,也無掠甚麼人做要緊;因為你無看人的外貌,就是真實將上帝的路來教示人。納稅互該撒合宜抑無?
12:15 阮著納抑呣免?」若是耶穌知的假好,就給講:「恁啥事試我啊?提一個銀仔互我看!」
12:16  就提來。耶穌給講:「此個像及號是是誰?」
12:17 給伊講:「該撒。」耶穌給講:「恁著將該撒的物納互該撒,將上帝的物納互上帝。」大奇怪伊。
12:18 撒都該人就是講人無復活的。就近伊問講:
12:19 「先生啊,摩西寫來指示阮講:『若有人伊的兄死,留伊的某佇啲也無留子,伊的小弟著娶伊的某,生子來續接伊的兄。』
12:20 有兄弟七人,大的娶某,死,也無留子。
12:21 第二個娶伊,也無留子,就死。第三個也是按呢。
12:22 七人攏無留子;到路尾,婦仁人也死。
12:23 到復活的時,伊欲做中間叨落一個的某?因為此七人攏有娶伊」。
12:24 耶穌給講:「恁的錯豈呣是對呣識聖經,及上帝的權嗎?
12:25 因為對死人中復活的時,無嫁無娶,是親像天使佇天裡。
12:26 今論死人復活,恁豈未讀著摩西的冊,莿帕(chhì-phè)彼篇所記的?上帝給摩西講:『我是亞伯拉罕的上帝,以撒的上帝,雅各的上帝。』
12:27 伊呣是死人的上帝,是活人的上帝。恁有大大錯啦。」
12:28 有經學士一人到,聽辯論,知耶穌(gâu)應,就問伊講:「諸個誡命中叨落一條是第一要緊?」
12:29 耶穌應講:「彼個第一要緊的是講:『以色列啊,著聽,主──咱的上帝是獨一的主。
12:30 你著盡心、盡性、盡意、盡力疼主──就是你的上帝。』
12:31 第二個講:『著疼你的厝邊親像家己。』其餘的誡命未有比此二條卡大的。」
12:32 經學士給伊講:「好啊,先生啊,你所講的真正著;上帝只有一個,以外無別個;
12:33 若盡心、盡智、盡力疼伊,閣疼厝邊親像家己,就贏過攏總歸隻精牲的燒祭及祭祀。」
12:34 耶穌看見伊應了真通,就給伊講:「你離開上帝國無遠啦。」對彼時,無人敢閣問伊。
12:35 耶穌佇殿堂教示講:「諸個經學士怎樣講,基督做大衛的後裔嗎?
12:36 大衛互聖神感動來家己講:主給我的主講:坐我的大旁,聽候我將你諸個對敵做你的腳踏椅。
12:37 大衛既然家己稱伊做主,就基督按怎樣做伊的後裔?」眾人攏歡喜聽伊。
12:38 耶穌教示的時,閣講:「著持防許個經學士;愛穿長衫四界行,愛佇街市裡互人請安,
12:39 會堂內坐高位,筵桌裡坐大位。
12:40 僥吞守寡人的家伙,假意長長祈禱。欲受罪閣卡重!」
12:41 耶穌坐佇庫房的對面,眾人啲用錢落庫房。有多多富人用多多錢落去。
12:42 有一個喪鄉的守寡人來,二個半厘的,就是一厘。
12:43 耶穌就叫伊的學生來,給講:「我實在給恁講,此個喪鄉的守寡人所的,比眾落庫房的卡多。
12:44 因為,許個眾人是對有剩的,來;若是此個婦仁人是對佇伊的無夠,來一盡伊所有的,就是伊所倚靠來活的。」

回聖經目錄