民 數 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

18:1 耶和華對亞倫講:「你及你諸個子,及你的本族,著相及擔當聖所的罪。你及你諸個子也著擔當恁祭司職的罪。
18:2 你著導你的兄弟利未的支派,你的祖公的支派進前來,互你聯合,來伺候你,若是你及你的子,攏著佇法櫃的會幕前。
18:3 著做你的差用,也著做布棚的差用,獨獨呣通近聖所的器具及壇,免得及恁攏死。
18:4 著及你聯合,也著做會幕的差用,料理布棚攏總的工,獨獨外面人呣通倚近恁。
18:5 恁著做聖所的差用及壇的差用,免得受氣閣到佇以色列人。
18:6 我,看啊,我曾對以色列人的中間揀恁的兄弟利未人來賞賜恁,及歸耶和華,來料理會幕的工。
18:7 所以你及你的子著相及守祭司的職料理壇及帳簾內一切的工。恁著按呢服務;我已經賞賜你祭司的職任的工親像送物。見若外面人近倚的,的確互伊死。」
18:8 耶和華閣給亞倫講:「我,看啊,我已經用獻互我的舉祭,就是以色列人分別做聖的物,交你守伊;因為你受抹油,諸個物歸你及你的子孫,做永遠的份額。
18:9 無經過火,至聖的物的中間,屬佇你的是諸個;見若的禮物,的素祭、的贖罪祭、的補過失祭,所獻互我的,攏做至聖,歸互你及你的子孫。
18:10 你著看諸個做至聖來食伊;見若查甫丁攏通食。你著掠此個物做聖。
18:11 諸個也是你的禮物的舉祭以及以色列人所獻的搖祭;我攏賞賜你及你的子查某子,做永遠的份額;見若佇你家中清氣的人攏通食。
18:12 上好的油、上好的酒、上好的五穀,就是起頭熟獻互耶和華的,我攏賞賜你。
18:13 地起頭熟的物所獻互耶和華的攏歸互你。你家內清氣的人攏通食。
18:14 以色列中見若受分別獻盡的攏著歸互你。
18:15

見若有肉體頭上生的,無論人抑是精牲,所獻互耶和華的,攏歸佇你;獨獨人頭上生的,你著贖伊;無清氣的精牲頭上生的,你也著贖伊。

18:16 佇滿月以外所著贖的,著照你所估的價,照聖所的舍客勒,用銀五舍客勒贖回伊(一舍客勒是二十季拉)。
18:17 獨獨頭上生的牛,頭上生的綿羊頭上生的山羊,你呣通贖,這是聖,著灑伊的血佇壇裡,著燒伊的油,做火祭做芳芳獻互耶和華。
18:18 許個肉歸佇你,親像所搖的胸及正腿歸佇你一樣。
18:19 見若聖物的舉祭是以色列人獻互耶和華的,我攏賞賜你及你的子查某子,做永遠得著的份額。這是互你及你的後裔,佇耶和華的面前做永遠廢的約。」
18:20 耶和華對亞倫講:「你佇的地方呣通有產業,佇的中間也呣通有份額。佇以色列人中我就是你的份額,是你的產業。」
18:21 「看啊,佇以色列中所抽的十份一,我已經賞賜利未的子孫做業;因為所做的工是會幕的工,所以賞賜來報答的著磨。
18:22 對今(taⁿ)色列人呣通倚近會幕,免得擔當罪來死。
18:23 獨獨利未人著做會幕的工,擔當i的罪;這欲做恁逐世代永遠的例。以色列人的中間呣通有產業;
18:24 因為以色列人所抽的十份一,所獻互耶和華做舉祭的,我已經賞賜利未人做業。所以我對講:『以色列人的中間呣通有產業。』」
18:25 耶和華吩咐摩西講:
18:26 「你著吩咐利未人給講:恁對以色列人的中間抽十份一,就是我互恁做業的,彼時恁著對彼個十份一的中間閣抽十份一做舉祭獻互耶和華,
18:27 你的舉祭欲給恁算做五穀場的麥,及滿佇葡萄窟的酒。
18:28 按呢,恁對以色列中所得著的十份一,著對彼個獻舉祭互耶和華,恁著對彼個,用耶和華的舉祭互祭司亞倫
18:29 恁所得著一切的禮物,著對彼中間將第一好的,就是分別做聖的份額,獻許個舉祭互耶和華。
18:30 所以你著對講:恁已經對彼中間舉起彼個至好的,這就是給利未人算做五穀場的五穀,也親像酒窟的酒。
18:31 恁及恁的家眷逐所在通食伊;這是恁的工錢,是報答恁佇會幕內所做的工。
18:32 恁已經對彼中間舉起彼個至好的,就無因為按呢來犯罪。恁呣通拍垃墋以色列人的聖物,免得恁死無。


回聖經目錄