民 數 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

20:1 正月間,以色列人全會來到尋的曠野,百姓就踮佇加低斯米利暗死佇遐,就埋葬佇遐。
20:2 會眾無水通飲,就聚集攻擊摩西亞倫
20:3 百姓就及摩西計較講:「前阮的兄弟死佇耶和華的面前,阮呣值著彼時續死。
20:4 恁啥事導耶和華的會眾到此個曠野、互阮及阮的精牲死佇遮啊?
20:5 恁啥事互阮出埃及、導阮到此個歹所在啊?無所在通撒種,也無無花果、無葡萄、無石榴,閣無水通飲。」
20:6 摩西亞倫離開會眾,到會幕門口,仆佇地裡;耶和華的榮光對顯現。
20:7 耶和華吩咐摩西講:
20:8 「你著攑枴仔,你及你的兄亞倫招集會眾,佇的目睭前恁命令石磐出水,你為著百姓互水對石磐出,互會眾(hōe-chiòng)及的精牲飲。」
20:9 摩西趁命令,佇耶和華的面前攑枴仔。
20:10 摩西、亞倫招集會眾到石磐前。摩西講:「恁諸個悖逆的人著聽啊:阮著互水對此個石磐流出來互恁嗎?」
20:11 摩西攑起手,用枴仔拍石磐二下,就有多多水流出,會眾及的精牲攏飲。
20:12 耶和華就對摩西亞倫講:「因為恁呣信我,無佇以色列人的目睭前尊敬我做聖,所以恁得通導諸個會眾入我所賜互的地。」
20:13 諸個水名叫米利巴的水,是因為以色列人及耶和華計較,耶和華就對顯明家己做聖。
20:14 摩西加低斯差使者去見以東(i-tong)王,講:「你的兄弟以色列按呢講:『你知阮所抵著一切的艱苦,
20:15 阮的列祖落去埃及,阮住佇埃及久久;埃及人歹款待阮及阮的列祖,
20:16 阮哀求耶和華的時,伊聽阮的聲,差遣使者導阮出埃及。今阮佇你極邊頭的城加低斯
20:17 求你容允阮經過你的地。阮無欲對田園及葡萄園經過,也無飲諸個井的水,獨獨行大路,無偏左偏右,直直經過你的地界。』」
20:18 以東王講:「你呣通對我遮經過,免得我攑刀出來抵敵你。」
20:19 以色列人給伊講:「阮欲對大路行去;設使阮及精牲飲你的水,阮欲還你價錢。准我步行(pō͘-kiâⁿ)過去,無插別項。
20:20 伊講:「你呣通經過!」以東王就導多多人出來,用剛硬的手抵敵伊。
20:21 按呢,以東呣准以色列人對伊的地界經過。以色列就越轉,離開伊。
20:22 加低斯起身,以色列的全會到何珥山(Hô-jíⁿ soaⁿ)。
20:23 耶和華佇倚近以東邊界的何珥山吩咐摩西亞倫講:
20:24 亞倫欲倒祖。因為伊得通入我賞賜以色列人的地;因為佇米利巴的水,恁違逆我的命令。
20:25 你帶亞倫及伊的子以利亞撒何珥山
20:26 亞倫的衫,給伊的子以利亞撒穿;亞倫欲死佇遐,倒去。」
20:27 摩西照耶和華所命令的行。三人當會眾的目睭前上何珥山
20:28 摩西亞倫的衫,給伊的子以利亞撒穿,亞倫佇遐死佇山頂。摩西以利亞撒落山。
20:29 會眾看見亞倫已經死,就為亞倫啼哭三十日,以色列全家也攏按呢。


回聖經目錄