民 數 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

22:1 以色列人起身,紮營佇摩押平洋、佇約但河外,耶利哥的對面。
22:2 西撥的子巴勒,看見以色列人對亞摩利人所行一切的事。
22:3 摩押真驚彼個百姓,因為真多,摩押因為以色列百姓,心就著急,
22:4 摩押給米甸的長老講:「今此群的人欲一盡食咱四圍所有的,親像牛食田裡的草一般。」彼時西撥的子巴勒摩押王。
22:5 伊差使者去大河邊的毗奪,到比珥的子巴蘭的本所在,叫伊來,講:「看啊,有一個百姓對埃及出來,看啊,遮滿地面,也徛起佇我的對面。
22:6 今請你來,給我咒詛此個百姓,因為比我卡強,豈採我會拍來卡贏,趕出此個所在。因為我知,你所祝福的,就得著福氣;你所咒詛的,就受咒詛。」
22:7 摩押長老及米甸的長老就起身手帶卜卦的禮,去到巴蘭遐,將巴勒的話給伊講。
22:8 伊對講:「今暝恁歇遮,照耶和華所吩咐我的我欲回覆恁。」摩押的首領就歇佇巴蘭遐。
22:9 上帝臨到巴蘭,問伊講:「及你住許個人是是誰?」
22:10 巴蘭應上帝講:「是摩押西撥的子差人到我遮,講:
22:11 『看啊,有百姓對埃及來,遮滿地面,請你來給我咒詛,豈採我會刣贏,趕出去。』」
22:12 上帝對巴蘭講:「你呣通及去,也呣通咒詛此個百姓,因為是得著福氣的。」
22:13 巴蘭清早起來,對巴勒的首領講:「恁倒去恁的所在,因為耶和華呣准我及恁去。」
22:14 摩押的首領就起來,倒去巴勒遐,講:「巴蘭呣肯及阮來。」
22:15 巴勒閣差首領,比前卡多卡尊貴的。
22:16 巴蘭遐,對伊講:「西撥的子巴勒按呢講:『求你呣通互甚麼代誌阻擋你無來我遮,
22:17 因為我欲互你得著極大的尊貴。見若你對我講甚麼,我欲照按呢行;所以請你來,給我咒詛此個百姓。』」
22:18 巴蘭巴勒諸個人臣講:「巴勒就若用滿厝的金銀互我,我也呣敢過我的上帝的命令來加減行。
22:19 請恁今暝閣歇遮(hioh-chia),聽候我知耶和華閣給我講甚麼。」
22:20 彼暝,上帝臨到巴蘭遐,講:「諸個人若來叫你,你就起來及伊去,總是我所欲給你講的,你著遵趁。」
22:21 巴蘭早起起來,備辦驢,及摩押的首領相及去。
22:22 上帝因為伊去就受氣;耶和華的使者徛佇路裡來抵敵伊。伊騎驢,二個奴僕跟隨伊。
22:23 驢(lû)看見耶和華的使者徛佇路裡,手裡拔刀,驢就對路裡閃入園,巴蘭就拍驢,欲互伊歸原路。
22:24 耶和華的使者就徛佇葡萄園的狹路(oe̍h-lō͘);此旁有牆,彼旁也有牆。
22:25 驢看見耶和華的使者,就閃倚彼個牆,夾巴蘭的腳佇牆裡;巴蘭就閣拍伊。
22:26 耶和華的使者閣進前去,徛佇狹狹的所在,雙旁無路通越。
22:27 驢看見耶和華的使者,就仆佇巴蘭的下底,巴蘭發受氣,用枴仔拍驢。
22:28 耶和華開驢的嘴,驢對巴蘭講:「我對你做甚麼,你竟然拍我此三擺啊?」
22:29 巴蘭對驢講:「因為你戲弄我,我恨手裡無刀,有,就給你刣死。」
22:30 驢(lû)對巴蘭講:「我豈呣是你的驢你一生所騎的嗎?我平素曾對你按呢行嗎?」巴蘭講:「無。」
22:31 彼時,耶和華開巴蘭的目睭,伊就看見耶和華的使者徛佇路裡,手拔(pu̍ih)刀,巴蘭就俯頭仆佇地裡。
22:32 耶和華的使者對伊講:「你啥事此三擺拍你的驢啊?看啊,我出來抵敵你,因為你佇我的面前所行的,是悖逆。
22:33 驢看見我,就閃避我此三擺;設使驢無閃避我,我已經刣死你,互驢活啲。」
22:34 巴蘭對耶和華的使者講:「我有犯罪啦。我呣知你徛佇路裡阻擋我;你若無歡喜我去,我就倒轉去。」
22:35 耶和華的使者對巴蘭講:「你及諸個人去!總是你只有通講我所欲對你講的。」巴蘭就及巴勒的首領相及去。
22:36 巴勒聽見巴蘭來,就去摩押城迎接伊;此個城是佇邊界的極頭,佇亞嫩的邊頭。
22:37 巴勒巴蘭講:「我豈呣是切切差人到你遐去叫你嗎?你啥事無來我遮啊?我豈無真正會互你尊貴嗎?」
22:38 巴蘭巴勒講:「我今來到你遮!我豈有權會講甚麼啊?上帝用甚麼話交代我,我就講伊。」
22:39 巴蘭巴勒相及行,來到基列胡瑣
22:40 巴勒刣牛羊獻祭,就送互巴蘭以及及(kap)伊佇啲的首領。
22:41 到隔早起,巴勒巴蘭巴勒的高位;巴蘭對遐看以色列百姓極頭的所在。