民 數 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

31:1 耶和華吩咐摩西講:
31:2 「你著攻擊米甸人替以色列人報仇,後來你欲倒祖。」
31:3 摩西吩咐百姓講:「著對恁中間備辦人帶家私出去攻擊米甸,通佇米甸人的身上為耶和華報仇。
31:4 著對以色列眾支派的中間,逐支派著差一千人去交戰。」
31:5 就對以色列諸個族中,逐支派出一千人,共一萬二千人,帶家私備辦交戰。
31:6 摩西就差每支派一千人去交戰,及祭司以利亞撒的子非尼哈去交戰;非尼哈手提聖所的器具及歕大聲的號頭。
31:7 照耶和華所命令摩西的,及米甸人交戰,一盡刣死的查甫丁。
31:8 佇所刣死的人的中間,也刣死米甸諸個王,就是以未利金蘇珥戶珥利巴米甸五個王,閣用刀刣死比珥的子巴蘭
31:9 以色列人掠米甸的婦仁人及的囝仔,也將i切的精牲、一切羊群,及一切的財物攏搶來,做搶物,
31:10 閣用火燒所徛起的地,許個城及所有的營盤,
31:11 將一切所搶的、所掠的,人及精牲攏帶來,
31:12 將所掠的人,以及所搶所提的物,攏帶到摩押的平洋,佇約但河邊及耶利哥相對的營盤,交互摩西及祭司以利亞撒,及以色列的會眾。
31:13 摩西及祭司以利亞撒,及會眾攏總的首領,出去營外迎接
31:14 摩西受氣許個對交戰倒來的軍長、千總、百總,
31:15 摩西對講:「恁留諸個婦女猶活啲嗎?
31:16

看啊,巴蘭的計謀,互以色列人佇毗珥的事得罪耶和華,致到耶和華的會眾抵著瘟疫。

31:17 今著刣死細子中攏總的查甫囝仔,也刣死許個已經及查甫人同房的婦仁人。
31:18 總是許個未及查甫人同房的查某囝仔,恁通為家己留的活命。
31:19 恁著紮營佇營外七日久;見若刣人的,見若摸著受刣,著佇第三日,第七日,清氣家己,也著清氣恁所掠來的人,
31:20 論到所有的衣服、抑是皮做的、抑是山羊毛織的,抑是柴做的物,攏著清氣伊。」
31:21 祭司以利亞撒對交戰倒來的軍隊講:「耶和華所命令摩西律法的條例就是按呢:
31:22 總是金、銀、銅、鐵、錫、鉛,
31:23 見若會擋得火的物,恁著互伊經過火就成做清氣,總是著閣用除去污穢的水清氣伊;見若擋得火的物,恁著互伊經過水。
31:24 第七日,著洗恁的衫,恁就清氣,才通入營。」
31:25 耶和華吩咐摩西講:
31:26 「你及祭司以利亞撒,及會眾諸個族長,著算所搶掠的,無論人及精牲的數額。
31:27

所搶來的著分做二份:一份互出去交戰的精兵,一份互全會的眾人。

31:28 著對出戰的兵丁抽物來進貢耶和華,見若人、牛、驢、羊群,每五百抽一。
31:29 彼半的中間,著抽出伊來互祭司以利亞撒,做舉祭(kú-chè)互耶和華。
31:30 以色列人彼一半的中間,就是對人、牛、驢、羊群,攏總的精牲,每五十抽一,交互顧守耶和華會幕的責成的利未人。」
31:31 摩西就及祭司以利亞撒照耶和華所命令摩西的來行。
31:32 所搶的物,就是兵丁所搶用剩的:羊六十七萬五千隻;
31:33 牛七萬二千隻;
31:34 驢六萬一千隻;
31:35 人三萬二千,就是呣曾及查甫人同房的查某囝仔。
31:36 出去交戰的人的份額,就是所得著的彼半,共有羊三十三萬七千五百隻,
31:37 中間抽來進貢耶和華的羊,六百七十五隻;
31:38 牛三萬六千隻,對中間抽來進貢耶和華的,七十二隻;
31:39 驢三萬連五百隻,對彼中間抽來進貢耶和華的,是六十一隻;
31:40 人一萬六千,對彼中間抽來進貢耶和華的,是三十二個。
31:41 摩西將進貢的物,就是歸互耶和華的舉祭,交互祭司以利亞撒,是照耶和華所命令摩西的。
31:42 以色列人所得著彼一半,就是摩西對交戰的人分來互的。(
31:43 會眾彼一半有:羊三十三萬七千五百隻;
31:44 牛三萬六千隻;
31:45 驢三萬連五百隻;
31:46 人一萬六千個。)
31:47 以色列人的一半無論是人是精牲,摩西每五十抽一,交互顧守耶和華會幕的責成的利未人,是照耶和華所命令摩西的。
31:48 管理軍隊諸個官,就是千總、百總,攏來就近摩西
31:49 摩西講:「奴僕所管的兵已經點算總額,阮中間無減少一人。
31:50 今阮將逐人所得著的金器、鍊仔、手環、拍印仔的手指、耳鈎、掛頷頸的珠鍊仔,攏帶來做禮物獻互耶和華,通佇耶和華的面前為著阮本身贖罪。」
31:51 摩西及祭司以利亞撒就收的金,就是逐樣拍好的手飾。
31:52 千總、百總所獻互耶和華的金共有一萬六千七百五十舍客勒。
31:53 因為逐個兵丁攏有為著家己搶財物。
31:54 摩西及祭司以利亞撒收千總、百總的金,就帶入會幕,佇耶和華的面前做以色列人的紀念。


回聖經目錄