民 數 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

4:1 耶和華吩咐摩西亞倫講:
4:2 「你著對利未人的中間,算哥轄(ko-hat)子孫的總額,照i家口、宗族,
4:3 對三十歲以上到五十歲,見若入來當職、佇會幕內做工的,攏著算伊。
4:4 哥轄(ko-hat)的子孫佇會幕所做的工,就是料理至聖的物記佇下底:
4:5 營盤起身的時,亞倫及伊的子著入去褪遮截的帳簾,用伊來遮蓋法櫃,
4:6 閣用海狗皮蓋佇頂面,閣蓋專專藍色的布,然後才串伊的槓。
4:7 閣用藍色的布舒佇排列餅的桌,將諸個盤、匙、碗、灌奠的杯,排佇彼頂面。佇遐也著有常常排設的餅。
4:8 佇彼頂面閣著罩朱紅色的布,閣用海狗皮做蓋來蓋,才串伊的槓。
4:9

著提藍色布,來蓋照光的燈台及伊的盞、伊的剪、伊的盤,及一切做伊的路用貯油的器具。

4:10 閣著將燈台及伊一切的器具包佇海狗皮的蓋內,下佇柴架頂。
4:11 佇金壇頂著舒藍色的布,用海狗皮做蓋來蓋,才串伊的槓。
4:12 閣著提所用來服事的器具就是佇聖所用來服事的包佇藍色的布,用海狗皮做蓋(kòa)來蓋(khàm),下佇柴架頂。
4:13 著收壇頂的火灰,用紫色的布舒佇彼頂面;
4:14 閣著用做工所用一切的器具排佇頂面,就是火鼎(hé-tiáⁿ)、肉叉(bah-chhe)、托仔(thuh-á)、盤,一切屬佇壇的器具,閣用海狗皮做蓋來罩伊,才串伊的槓(kǹg)。
4:15 營盤欲起身的時,亞倫及伊的子將聖所,及聖所一切的器具蓋明白,然後哥轄的子孫著來扛,獨獨呣通摸聖的物,免得死。會幕內諸個物件是哥轄的子孫所著扛的。
4:16 「祭司亞倫的子以利亞撒所著顧守的是點燈的油及香料,及常常獻的素祭及抹的油,也著顧守全會幕及彼中間所有的,及聖所,及聖所所有的器具。」
4:17 耶和華吩咐摩西亞倫講:
4:18 「恁呣通將哥轄人家族的支派對利未人的中間剪除去。
4:19 倚近至聖的物的時,恁著給按呢設法,互會活,免得死。亞倫及伊的子著入去派逐人所著做;所著扛的。
4:20 獨獨霎仔久也呣通入去看聖所,免得死無。」
4:21 耶和華吩咐摩西講:
4:22 「你著算革順子孫的總額,照的宗族、家口,
4:23 對三十歲以上到五十歲,見若入來當職、佇會幕內做工的,攏著算伊。
4:24 革順人諸個家的工程,所著辦理、所著扛的就是諸個:
4:25 著扛會幕許個帳幅以及會幕,及伊的蓋及佇彼頂面海狗皮做的蓋,及會幕的門簾,
4:26 院的布帷及院門的門簾(院就是圍會幕及壇的)、索仔,及所用的器具,無論做甚麼路用的,攏著料理。
4:27 革順的子孫佇一切所扛的物所辦的事攏著照亞倫及伊的子孫所命令的來辦;所應該扛的,恁著派顧守。
4:28 這是革順子孫諸個家佇會幕內所做的工;所顧守的,著佇祭司亞倫的子以他瑪的手下。」
4:29 「論到米拉利的子孫,你著照的家口、宗族給點算。
4:30 對三十歲以上到五十歲,見若入來當職、佇會幕內做工的,攏著算伊。
4:31 所擔當的責成照會幕諸個工程,就是會幕的板、及伊的楗、伊的柱、伊的座,
4:32 院四圍的柱及伊的座、伊所釘的釘、及索仔,及一切所用的器具。擔當(tam-tng)所扛(kng)的器具,恁著照名指定著。
4:33 這是米拉利子孫諸個家的工,就是佇會幕內所做的工,攏佇祭司亞倫的子以他瑪的手下。」
4:34 摩西亞倫及會眾諸個首領將哥轄的子孫,照的宗族、家口,
4:35 對三十歲以上到五十歲,見若入來當職、佇會幕內做工的,攏過算伊。
4:36 的家口過算的共有二千七百五十名。
4:37 這是哥轄族諸個家過算的,是見若佇會幕內做工的,就是摩西亞倫照耶和華託摩西所命令點算的。
4:38 革順的子孫過算的,照的家口、宗族,
4:39 對三十歲以上到五十歲,見若入來當職、佇會幕內做工的,
4:40 其中過算的,照的家口、宗族,共有二千六百三十名。
4:41 這是革順子孫諸個家過算的,是見若佇會幕內做工的,就是摩西亞倫照耶和華所命令來點算的。
4:42 米拉利子孫諸個家過算的,照的家口、的宗族,
4:43 對三十歲以上到五十歲,見若入來當職、佇會幕內做工的,
4:44 其中過算的照的家口,共有三千二百名。
4:45 這是米拉利子孫諸個家過算的,就是摩西亞倫照耶和華託摩西所命令點算的。
4:46 見若過算的利未人,就是摩西亞倫以色列諸個首領,照的家口、的宗族所點算的,
4:47 對三十歲以上到五十歲,見若入來當職、佇會幕內做扛物的工的,
4:48

其中過算的共有八千五百八十名。

4:49 摩西點算照耶和華所命令的,逐人照伊所辦的事、照伊所扛的物;按呢互伊點算,是照耶和華所命令摩西的。