民 數 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

8:1 耶和華吩咐摩西講:
8:2 「你吩咐亞倫給伊講:你點燈的時,七盞燈攏著照光燈台前。」
8:3 亞倫照按呢行。點燈照光佇燈台前,是照耶和華命令摩西的。
8:4 此個燈台的做法是用金拍的,連伊的座及伊的花攏是拍的。摩西製造燈台,是照耶和華所指示的款式。
8:5 耶和華吩咐摩西講:
8:6 「你著對以色列人的中間揀出利未人,互清氣。
8:7 清氣著按呢行:用除去罪的水灑佇身軀,閣教用剃頭刀剃通身軀,洗衣服,清氣本身。
8:8 後來著取一隻牛牨仔,及伊的素祭,就是調和油的幼麵粉;你著另外取一隻牛牨仔做贖罪祭。
8:9 你著導利未人到會幕前,聚集以色列族的全會。
8:10 閣導利未人到耶和華的面前,以色列人著按手佇利未人的頂面。
8:11 亞倫著獻利未人佇耶和華的面前,做以色列人的搖祭,互通做服事耶和華的工。
8:12 利未人著按手佇許個牛牨仔的頭殼頂;你著獻一隻做贖罪祭,閣獻一隻做燒祭,互耶和華,給利未人贖罪。
8:13 你著互利未人徛佇亞倫及伊的子的面前,獻做搖祭互耶和華。
8:14 「按呢,你著對以色列人分別利未人,就利未人欲歸佇我。
8:15 霎了後利未人著入去做會幕的工,你著互清氣,獻做搖祭;
8:16 因為是對以色列中完全歸我者,我揀屬佇我,來替一切頭胎的就是以色列人的頭上者。
8:17 因為以色列中一切頭上生者,或是人或是精牲,攏是我的。我佇埃及地拍死一切頭上生的彼日,已經分別做聖,歸佇我。
8:18 我揀利未人替以色列人一切頭上生者。
8:19 我對以色列人中揀利未人賞賜亞倫及伊的子孫,通替以色列人做會幕的差用,閣為以色列人贖罪,免得以色列人倚近聖所的時,有災禍到以色列人的中間。」
8:20 摩西亞倫,及以色列人全會就對利未人按呢行。見若耶和華論起利未人所命令摩西的,以色列人就對按呢行。
8:21 對按呢利未人清氣家己,除去罪,洗的衣服;亞倫獻做搖祭佇耶和華的面前,亞倫閣為贖罪,來清氣
8:22 然後利未人入去,佇亞倫及伊的子的面前,佇會幕中做的工。耶和華論利未人來命令摩西的,以色列人就按呢對行。
8:23 耶和華吩咐摩西講:
8:24 「論利未人是按呢:對二十五歲以上,著來會幕,做差用。
8:25 到五十歲就停工,無閣做差用,
8:26 獨獨著佇會幕,及的兄弟相及伺候,守所交代的,無閣做工論到所交代利未人的。你著對按呢行。」


回聖經目錄