啟 示 錄

1 2 3 4 5 6 7 8 9 10 11 12 13 14 15 16 17 18 19 20 21 22

16:1 我聽見有大聲對殿裡出,給七個天使講:「恁去,將許個貯上帝大受氣的七個碗傾佇地裡。」
16:2 頭一個就去,將伊的碗傾佇地裡,就有惡毒的瘡生佇許個有獸的記號者,及拜伊的相者。
16:3 第二個將伊的碗傾佇海裡,海就變做親像死人的血,海中的活物一盡死。
16:4 第三個將伊的碗傾佇江河及諸個水泉,水就變做血。
16:5 我聽見掌諸個水的天使講:現在佇啲、早佇啲、聖者啊,你是公義因為你按呢審判;
16:6 因為曾流聖徒及先知的血,今你用血互飲;是所應該的。
16:7 我閣聽見祭壇啲講:主上帝──全能者啊,是啊,你的審判是真實閣公義!
16:8 第四個將伊的碗傾佇日頭,就互日頭會用火煏人。
16:9 人受大的炎熱所煏,就謗瀆彼個有權 teh 掌理諸個災禍的上帝的名,閣無反悔來歸榮光伊。
16:10 第五個將伊的碗傾佇獸的座位,獸的國隨時黑暗。人因為艱苦就咬的舌;
16:11 閣因為的艱苦,及的瘡毒,就謗瀆天裡的上帝,也無反悔的所行。
16:12 第六個將伊的碗傾佇伯拉大河,伊的水連鞭乾去,欲為著東方的列王來備辦路。
16:13 我閣看見有三個污穢的神,親像田蛤仔對龍的嘴、及獸的嘴、及假先知的嘴出來。
16:14 就是諸個鬼的神,會行神蹟的,出來就近普天下的王,招集佇全能上帝的大日期的交戰。(
16:15 你看,我來親像賊。警醒來顧守伊的衫、免得褪裼來行、互人看見伊的見誚的就有福氣!)
16:16 彼三個就招集列王佇一個所在,希伯來的音叫做亞瑪玉頓
16:17 第七個將伊的碗傾佇空氣,就有大聲對殿內對座位出,講:「成啦!」
16:18 就有閃爁、有聲、有雷鳴,地亦大振動,對地上有人到今、未有地動親像按呢的大。
16:19 大城就裂做三個,列邦諸個城亦倒壞;上帝亦記得大城巴比倫,就將杯貯伊極大受氣的酒互伊。
16:20 逐個海嶼攏逃走,諸個山攏無去。
16:21 閣有大雹對天降落佇人,逐粒重幾若十斤。人因為雹的災禍,就謗瀆上帝,因為彼個災禍真大。

回聖經目錄