啟 示 錄

1 2 3 4 5 6 7 8 9 10 11 12 13 14 15 16 17 18 19 20 21 22

5:1 我看見坐佇座位的,正手提一卷(kńg),內外攏有文字,用七個印封密。
5:2 閣看見有權能的天使大聲宣傳講:「是誰會堪得開彼卷,來拆開伊的印?」
5:3 佇天裡,及地裡,及地的下面,無一個會開彼卷、抑是看伊。
5:4 既然尋無一個會堪得開彼卷、抑是看伊的,我就大啼哭。
5:5 許個長老的一個給我講:「莫得啼哭!你看,猶大支派的獅,大衛的根頭,已經得勝,通來開此卷,及許個七個印。」
5:6 我就看見佇座位及四位的活物的中間,及佇許個長老的中間有羊羔徛啲,親像曾受刣,有七支角七蕊目睭,就是上帝的七個神,奉差到普天下的。
5:7 伊就進前,對彼個坐佇座位者的正手提彼卷。
5:8 伊提彼卷的時,就四個活物及二十四個長老攏仆佇羊羔的面前,逐個有琴及金爐貯香滿滿;香就是聖徒的祈禱。
5:9 也吟新的詩,講:你堪得提彼卷,來開伊的印;因為你受刣,曾用你的血對逐族、逐腔口、逐號百姓、逐國買人,來歸上帝,
5:10 做國,做祭司來服事上帝,亦欲做王佇地上。
5:11 我閣看,就聽見座位及活物及長老的周圍多多天使的聲;的額數千千萬萬,
5:12 大聲講:受刣的羊羔合宜得著權能、富有、智慧、氣力、尊貴、榮光、謳咾。
5:13 閣聽見佇天、佇地、及地的下面、及海面,一切受造的物,及其中凡所有的,攏講:謳咾、尊貴、榮光、權勢、攏歸互坐佇座位者及羊羔,到代代無盡!
5:14 四個活物講:「阿們!」許個長老就仆啲拜。

回聖經目錄