路 得 記

1 2 3 4

4:1 波阿斯上到城門,坐佇遐,抵當波阿斯所講彼個該親的對遐過。伊就對伊講:「某人啊,請你越來遮坐。」伊就越去坐。
4:2 波阿斯閣對本城的長老中叫十人來,給講:「請恁坐踮遮。」就坐。
4:3 波阿斯對彼個至親的講:「對摩押地倒來的拿俄米,今賣伊彼份的園是本屬咱的兄以利米勒的;
4:4 我意思欲通知你講,著佇諸個坐啲的人的面前及我的百姓的長老的面前,買伊。你若欲贖,就贖伊,若呣贖伊,就明明講互我知,因為你以外無別人通贖伊,第二就是我。」伊應講:「我欲贖伊。」
4:5 波阿斯講:「你對拿俄米的手買彼份園的日,也著對死人的某摩押的查某子路得買伊,來建立死人的名佇伊的業。」
4:6 彼個至親的講:「我會為家己贖伊,驚了我礙著(gāi-tio̍h)家己的業。我贖業的權你通為家己掌伊,因為我會贖伊。」
4:7 前,佇以色列中欲決定甚麼事,或是贖回,或是交換,此人著褪鞋互彼人。以色列人攏用此個做證據的例。
4:8 彼個至親對波阿斯講:「你為家己買伊!」伊就褪家己的鞋。
4:9 波阿斯給長老及眾百姓講:「恁今仔日做干證(kan-chèng),見若屬以利米勒見若屬基連瑪倫的,我攏對拿俄米的手買來;
4:10 閣買瑪倫的某摩押的查某子路得做我的某,通建立死人的名佇伊的業,互死人的名無絕佇伊的兄弟中及伊的本城。恁今仔日做干證。」
4:11 佇城門啲坐許個眾百姓及長老講:「阮做干證。願耶和華互入你的家的婦仁人,親像建立以色列拉結利亞二人一樣。閣願你佇以法他做豪傑(hô-kia̍t),佇伯利恆做有名聲的。
4:12 也願你的家對耶和華用此個查某子所欲賞賜你的後裔,成做親像法勒斯的家就是他瑪猶大所生的。」
4:13 對按呢,波阿斯路得做某,已經及伊同房。耶和華互伊懷孕生一個子。
4:14 許個婦仁人對拿俄米講:「耶和華是應該謳咾的!因為伊今仔日無放拺你,致到你無至親的人。願此個囝仔佇以色列中得著名聲。
4:15 伊欲復倒你的精英,奉養你的年老,因為生伊者就是你彼個疼你的媳婦。對佇你比七個子猶卡好的!」
4:16 拿俄米抱彼個囝仔下佇伊的胸前,育伊親像老母。
4:17 厝邊許個婦仁人就給伊號名講:「拿俄米有得著囝仔啦!」就叫伊的名俄備得。伊是耶西的老父,耶西大衛的老父。
4:18 法勒斯的後裔記佇下底:法勒斯希斯崙
4:19 希斯崙亞米拿達
4:20 亞米拿達拿順拿順撒門
4:21 撒門波阿斯波阿斯俄備得
4:22 俄備得耶西耶西大衛