撒 迦 利 亞

1 2 3 4 5 6 7 8 9 10 11 12 13 14

14:1

看啊,耶和華的日欲到,你的貨財欲互人分佇恁中間。

14:2

因為我欲聚集萬國及耶路撒冷交戰,城欲受攻破,厝宅欲受搶劫,婦仁人欲受凌辱,城內的百姓一半受人掠去;所剩的百姓猶原佇城內,無致到剪除。

14:3 彼時,耶和華欲出去及許個國交戰,親像從前臨陣的日交戰一樣。
14:4 當彼日,伊的腳欲徛佇橄欖山,此個山佇耶路撒冷頭前的東勢。橄欖山欲對中央裂開,對東到西成做極大的山谷。山的一半移徙向北,一半移徙向南。
14:5 恁欲對我的山谷中逃走,因為山谷欲透到亞薩。恁欲逃走,親像猶大王烏西雅的年間為著地動的逃走一樣。耶和華──我的上帝欲臨到,攏總的聖者及你來。
14:6 彼日的光,欲呣成光呣成暗。
14:7

欲有一個特別日,是耶和華所知的,呣是日,也呣是暝,到下昏時才有光。

14:8

彼日,欲有活水對耶路撒冷出來,一半流去東海,一半流去西海;冬天夏天攏是按呢。

14:9

耶和華欲佇全地做王。當彼日耶和華獨一,伊的名也是獨一。

14:10

全地,對迦巴到耶路撒冷南方的臨門,欲變親像亞拉巴。耶路撒冷欲升高,踮佇伊的本所在,就是對便雅憫的門,到頭一個門的所在,閣到角頭的門,亦對哈楠業的樓,直到王的酒窟。

14:11 欲有人踮彼中間,無閣有咒詛。耶路撒冷欲安然徛起。
14:12 許個列國及耶路撒冷交戰者,耶和華欲用此號的災禍攻擊的腳猶徛啲的時,的肉欲朽爛,目睭欲朽爛佇目睭孔,舌欲朽爛佇嘴內。
14:13 當彼日耶和華欲互中間大擾亂;逐人用手相搝(khiū),閣起手相攻擊。
14:14 猶大也欲及耶路撒冷交戰;彼時四圍列國的貨財,就是金銀衣裳,欲聚集多多。
14:15

彼個所欲到佇馬、騾、駱駝、驢,以及營中一切的精牲的災禍及此個災禍一般樣。

14:16

所有來攻擊耶路撒冷的列國剩的人,欲年年上來敬拜大的王──萬軍的耶和華,也守搭寮節。

14:17

地上萬族中,見若無上耶路撒冷敬拜大的王──萬軍的耶和華者,欲無落雨佇遐。

14:18

埃及族若無上來,欲無雨佇遐;欲有災禍,就是耶和華用來攻擊許個無上來守搭寮節的列國的。

14:19

這就是埃及的刑罰,也是許個無上來守搭寮節的列國的刑罰。

14:20

當彼日,馬的瑊鈴欲刻字講「做聖歸佇耶和華」。耶和華殿內的鍋欲親像壇前的碗。

14:21 見若耶路撒冷猶大的鍋,攏欲做聖歸萬軍的耶和華;見若獻祭者攏欲用諸個鍋,煮肉佇彼內面;當彼日,佇萬軍的耶和華的殿內無閣有迦南人。