章 | 1 2 3 4 5 6 7 8 9 10 11 12 13 14 |
3:1 | 伊閣互我看見:祭司頭約書亞徛佇耶和華使者的面前;撒但亦徛佇伊的正旁,做伊的對敵。 |
3:2 | 耶和華對撒但講:「撒但啊,耶和華責備你!就是揀選耶路撒冷的耶和華責備你!這豈呣是對火中拔出來的一塊柴嗎?」 |
3:3 | 約書亞穿污穢的衫徛佇使者的面前。 |
3:4 | 伊應徛佇伊的面前的講:「恁著褪伊污穢的衫」;閣對伊講:「看啊,我互你脫離你的罪惡,欲互你穿媠的衫。」 |
3:5 | 我閣講:「用媠的帽戴佇伊的頭殼。」![]() |
3:6 | 耶和華的使者警戒約書亞講: |
3:7 | 「萬軍的耶和華按呢講:你若行我的路,守我所交託你的,你就通管理我的家,顧守我的院;我亦欲互你佇諸個徛啲的人中間有出入的路。 |
3:8 | 祭司頭約書亞啊,你及坐佇你的面前的同伴攏著聽。(![]() |
3:9 | 看啊,我所下佇約書亞面前的石,佇一塊石有七蕊目睭。萬軍的耶和華講:看啊,我欲雕刻所雕刻者,亦欲佇一日的中間除去此個地方的罪惡。 |
3:10 | 當彼日,恁逐人欲請厝邊來到葡萄樹下,及無花果樹下。這是萬軍的耶和華講的。」 |