詩 篇

127:1	〔上崎仔的詩，所羅門所做的。〕厝宅若呣是耶和華起造，起造伊的人就空空著磨；城池若呣是耶和華顧守，就顧守的人空空警醒。
127:2	恁早早起，晏晏睏，食勞祿所得著的飯，亦是空空；耶和華所疼的人，伊欲互伊好睏。
127:3	看啊，子兒是耶和華所賞賜的產業；懷孕的胎是伊所互伊的報賞。
127:4	少年的時所生的子，親像勇士手中的箭。
127:5	伊的箭袋充滿的人有福氣；佇城門口及對敵講話，的確不致見誚。