詩 篇

17:1	〔大衛的祈禱〕耶和華啊，求你聽公義，留心聽我的求叫！我的祈禱呣是對奸詐的嘴唇出，求你俯耳孔來聽！
17:2	願我的判詞對你的面前發出；願你的目睭鑑察正直。
17:3	你已經試驗我的心；你佇暝時鑑察我；你鍛煉我，無尋著甚麼；我立志互我的嘴無有過失。
17:4	論到人的行做，我趁你所講的話家己謹守，無行強惡人的路。
17:5	我的腳定定行你的路；我的腳未曾踏趨(tah̍-chhū)。
17:6	上帝啊，論到我，我曾求叫你，因為你欲應我；求你俯耳孔，聽我的話。
17:7	求你顯明你各樣的仁慈；你是用正手救倚靠你的人脫離許個起來攻擊者。
17:8	求你保護我，親像保護目睭仁；將我蓋密佇你的翅下，
17:9	互我脫離許個搶劫我的歹人，就是圍困我欲害我生命的對敵。
17:10	互家己的油包密；的嘴講驕傲的話。
17:11	現在圍困阮的腳步；注目，欲捙(chhia)倒阮佇地裡。
17:12	親像獅數想(siàu-siūⁿ)欲咬物，閣親像猛的獅仔肫匿(thûn-bih)佇暗密(à-ba̍t)的所在。
17:13	耶和華啊，求你起來，抵當(tí-tng)對敵，將伊打倒！用你的刀救我的生命脫離歹人。
17:14	耶和華啊，用你的手救我脫離世間人，脫離許個佇今生有福份的世間人！你將你的財寶充滿的腹肚；有子兒到心滿意足，將其餘的財物留互的嬰仔。
17:15	論到我，我欲佇義的中間看見你的面；我睏醒的時，看見你的形容就心滿意足。