詩 篇

85:1	〔可拉的後裔的詩，交互樂官。〕耶和華啊，你已經施恩佇你的地，雅各受掠的人你救伊倒來。
85:2	你赦免你的百姓的罪惡，你遮蓋一切的罪過。（細拉）
85:3	你收回你一切的受氣，息你猛烈的受氣。
85:4	救阮的上帝啊，求你互阮倒轉，息你向阮的受氣。
85:5	你欲受氣阮到永遠嗎？你欲將你的受氣留到萬代嗎？
85:6	你豈呣閣將阮救活，互你的百姓因為你來歡喜嗎？
85:7	耶和華啊，求你互阮看見你的慈愛，閣將你的救恩賞賜阮。
85:8	我願聽全能的耶和華所欲講的；因為伊欲對伊的百姓，及伊聖的百姓講平安；總是呣通閣去濫糝行。
85:9	伊的救恩實在近佇驚畏伊的人，互榮光踮佇咱的境內。
85:10	慈愛及真實相抵著；公義及平安相唚嘴。
85:11	真實對地裡發生；公義對天看落來。
85:12	耶和華欲賞賜好物；咱的土地欲出伊的土產。
85:13	公義欲行佇伊的頭前，互伊的腳跡成做路。