詩 篇

46:1	〔可拉後裔的詩，交互樂官。調是用女音。〕上帝是阮逃閃的所在及氣力，亦是患難中及時的幫助。
46:2	所以，地雖然變遷，山雖然搖動到海中，
46:3	其中的水雖然嘩嘩哮夯湧，山雖然因為海漲搖泏，阮亦無驚。（細拉）
46:4	有一條河，伊的開叉互上帝的城歡喜；就是至高者所徛起聖的所在。
46:5	上帝佇彼中間，城的確搖動；天昲光，上帝欲幫助伊。
46:6	異邦嘩嘩哮，列國搖動；上帝出伊的聲，地就消溶。
46:7	萬軍的耶和華及阮佇啲；雅各的上帝做阮的高台！（細拉）
46:8	來啊，來看耶和華的所做，看伊互地荒廢到怎樣。
46:9	伊互交戰息，到佇地極；伊遏折弓、斬斷槍，將戰車燒佇火中。
46:10	恁著定定，著知我是上帝！我欲佇列邦中做高大，受尊做大，佇遍地上亦做高大。
46:11	萬軍的耶和華及阮佇啲；雅各的上帝做阮的高台！