詩 篇

43:1	上帝啊，求你給我判斷，對無虔誠的國辯明我的案；求你救我脫離奸詐不義的人。
43:2	因為你是互我有氣力的上帝，啥事放拺我？我啥事因為對敵的壓迫常常憂悶來行啊？
43:3	求你發出你的光及你的真實，互伊導我，帶我到你的聖山，到你的會幕！
43:4	我就欲到上帝的祭壇，到我極歡喜的上帝遐。上帝啊，我的上帝啊，我欲彈琴來謳咾你！
43:5	我的心啊，你啥事鬱悴？啥事佇我的內面著急？你著向望上帝，因為我猶久欲謳咾伊。伊是我的面的榮光，亦是我的上帝。