詩 篇

26:1	〔大衛的詩〕耶和華啊，求你給我判斷，因為我有照我的純全來行；我倚靠耶和華，無搖泏。
26:2	耶和華啊，求你鑑察我，試驗我，鍛煉我的心腸。
26:3	因為你的慈愛常常佇我的目睭前，我亦有照你的真理行。
26:4	我未曾及謊譀的人相及坐，亦無及假做的人做陣。
26:5	我怨恨歹人的會，無欲及惡毒的人同坐。
26:6	耶和華啊，我欲洗手表明我的無罪，才來踅(se̍h)你的祭壇；
26:7	通互人聽見感謝的聲，閣通講起你一切奇妙的所做。
26:8	耶和華啊，我疼惜你所住的厝以及你榮光所佇啲的所在。
26:9	呣通將我的靈魂及罪人做一下收拾去；呣通將我的活命及刣人者做一下收拾去。
26:10	的手中有奸惡，的正手滿滿賄賂(pò͘-lō͘)。
26:11	論到我，我欲照我的純全來行；求你救贖我，憐憫我！
26:12	我的腳徛佇平坦的所在，佇眾會中我欲謳咾耶和華！