詩 篇

77:1	〔亞薩的詩，照耶杜頓的做法，交互樂官。〕我欲對上帝出聲求叫；我對上帝出聲，伊欲俯耳孔聽我。
77:2	佇我患難的日我尋主；我佇暝時抬起手無停；我的心呣肯受安慰。
77:3	我數念上帝，就迫腹；我靜靜想，心神昏去。（細拉）
77:4	你互我的目睭無一時瞌；我煩惱到攏講話。
77:5	我追念古早的日，就是極早的年。
77:6	我想起我暝間的詩歌，我摸心家己問；我的心神亦詳細省察。
77:7	主豈欲永遠放拺嗎？無閣施恩嗎？
77:8	伊的慈愛豈永遠窮盡嗎？伊的應允豈代代廢無嗎？
77:9	上帝豈boe記得施恩嗎？豈因為受氣塞密(that-ba̍t)伊的慈悲嗎？（細拉）
77:10	我講：這就是我的軟弱，至高者伸出正手的年我欲數念。
77:11	我欲講起耶和華的所行；數念伊早時的神蹟。
77:12	我欲忖　(chhún-ta̍k)你的所行，靜靜想你的所做。
77:13	上帝啊，你的路是聖者；有甚麼神明大親像上帝？
77:14	你是行奇事的上帝；你曾佇萬百姓的中間顯明你的權能。
77:15	你曾用你的手贖回你的百姓，就是雅各及約瑟的子孫。（細拉）
77:16	上帝啊，諸個水見著你，諸個水見著你攏驚惶；深淵亦愕愕惙。
77:17	密雲傾出水；穹蒼出聲；你的箭四界射。
77:18	佇捲螺風內有你雷的聲；閃爁的光閃到通世間；地愕愕惙閣振動。
77:19	你的道路佇海中；你的路徑佇大水中；你的腳跡無人會知。
77:20	早你用摩西、亞倫的手導你的百姓，親像羊群。