詩 篇

60:1	〔大衛佇二條溪的亞蘭以及瑣巴的亞蘭交戰的時，約押倒來，佇鹽谷刣死以東人一萬二千。彼時，大衛做此個金的詩，互人學習，交互樂官。調用做「干證的百合花。」〕上帝啊，你曾棄拺阮，破壞阮；你曾受氣阮，求你互阮閣興起！
60:2	你互地振動，亦互伊崩裂；願你醫好伊的裂痕，因為地搖動。
60:3	你互你的百姓抵著艱難；你互阮飲彼個互人顛來倒去的酒。
60:4	你用旗賞賜敬畏你的人，通為真理抬起來拽。（細拉）
60:5	求你聽阮，用正手牽救阮，通互你所疼的人得著救。
60:6	上帝已經指伊的聖潔來講：我欲大悅；我欲分開示劍，量疏割的山谷。
60:7	基列是我的，瑪拿西亦是我的。以法蓮是我的頭盔(thâu-khoe)；猶大是我的權柄。
60:8	摩押欲做我的浴盆(e̍k-phoe)；我欲我的鞋佇以東。非利士地啊，你因為我來大聲喝？
60:9	是誰會導我入堅固的城？是誰導我入以東的地？
60:10	上帝啊，你豈呣是棄拺阮嗎？上帝啊，你無及阮的軍兵相及出去，
60:11	求你幫助阮攻擊對敵，因為人的拯救是空空。
60:12	阮倚靠上帝做成( chòe-chiâⁿ)大代誌，因為踏阮的對敵的就是伊。