詩 篇

52:1	〔以東人多益來報掃羅講：「大衛到亞希米勒的家。」彼時，大衛做此個教示的詩，交互樂官。〕勇猛的人啊，你啥事為著做歹來誇口？上帝的慈愛永遠佇啲。
52:2	你的舌圖謀邪惡，親像利的剃頭刀，行奸詐。
52:3	你愛歹贏過愛好，愛白賊，贏過愛講義理。（細拉）
52:4	詭譎的舌啊，你愛講一切吞食的話！
52:5	上帝亦欲毀壞你，到永遠；伊欲掠你，對你的布棚中搝(khiú)出來，對活人的地將你拔出來。（細拉）
52:6	義人欲看見來驚惶，亦欲笑伊，
52:7	講：看啊，這就是彼號無掠上帝做伊的氣力的人，是倚靠伊的錢財的罪，佇邪惡家己徛在。
52:8	論到我，我是親像上帝厝內青翠的橄欖樹；我永永遠遠倚靠上帝的慈愛。
52:9	因為你行這，我欲感謝你，到永遠。我亦欲佇你聖的百姓的面前向望你的名；因為伊的名是好。