詩 篇

67:1	〔一篇詩歌，交互樂官。用絲弦的樂器。〕願上帝憐憫阮，賜福阮，互伊的面照光阮，（細拉）
67:2	通互世界知你的道路，萬國中知你的救恩。
67:3	上帝啊，願列邦謳咾你！願列邦攏謳咾你！
67:4	願萬國快樂出歡喜的聲；因為你欲照公道審判列邦，治理地上的萬國。（細拉）
67:5	上帝啊，願列邦謳咾你！願列邦攏謳咾你！
67:6	地已經出土產；上帝──就是阮的上帝，欲賜福阮。
67:7	上帝欲賜福阮；地的四極攏欲敬畏伊！