詩 篇

19:1	〔大衛的詩，交互樂官。〕諸個天講起上帝的榮光；穹蒼報揚伊的手所做的。
19:2	此日對彼日發出言語；此暝對彼暝傳出知識。
19:3	無言無語，的聲無通聽見。
19:4	的準繩遍佇天下，的言語到佇地極。上帝佇中間為著日頭安置帳房(tiùⁿ-pâng)；
19:5	日頭親像新子婿出伊的房，亦親像猛勇的人歡喜走伊的路。
19:6	伊對天的此旁出，踅到天的彼旁，無一項物囥密，無得著伊的熱氣。
19:7	耶和華的律法齊全，會互人的心神活起來；耶和華的干證確實，會互戇人有智慧。
19:8	耶和華的教示正直，會互人的心歡喜；耶和華的命令清潔，會互人的目睭光明。
19:9	敬畏耶和華的道理是清氣，永遠存在；耶和華的判斷真實，一概是公義
19:10	——比金，比多多好金卡通欣慕；比蜜，比蜂房滴落來的蜜卡甜。
19:11	閣你的奴僕對諸個受警戒，守諸個有大賞賜。
19:12	是誰會知伊的失錯啊？求你除去我暗靜的過失。
19:13	求你阻止你的奴僕無故意犯罪，呣准彼個罪惡管轄我，我就完全，免犯大罪。
19:14	耶和華──我的石磐，救贖我的主啊，願我的嘴所講的、心所想的佇你的面前得著接納。